miércoles, 24 de agosto de 2016

Yogako lantegia 2016-2017ko ikasturtea




Joaquín Maya Musika Eskola Bereziak honako lantegi hau antolatu du berriro ere: Yogako, kontzentrazio mentaleko eta beldur eszenikoa kontrolatzeko lantegia. Francisco de Miguel Granado irakasleak bideratuko du lantegia, era ludikoan, jolas eta ariketa errazen bidez.

Lantegia 2000tik 2003ra bitarte jaiotako Eskolako ikasleei eskaintzen zaie eta bertan hiru alderdi hauek jorratuko dira:

  • Yoga gorpuztasuna lantzeko baliabide gisa (gorputza musika-adierazpenerako baliabide gisa)
  • Kontzentrazio mentala (kontzentrazioaren garrantzia musika interpretatzean)
  • Beldur eszenikoaren kontrola.
  •  
    Lantegi honen helburuak dira, besteak beste, gorputza landuz nork bere burua ezagutzeko espazio bat eskaintzea, bai eta ikasleei baliabideak ematea, estres-uneak kudeatzeko, burua, gorputza eta emozioak harmonizatzeko, eta jendaurrean jotzearen alderdi psikologikoa eta emozionala hobetzeko. Hori dena, musikaren mundu zoragarrian sartzen hasiberriak diren gazte musikarientzat pentsatu eta diseinatu da.
     
    Lantegiak hiruhileko bat iraungo du, eta talde bakoitzean 10 ikasle egongo dira gehienez.
     
    ·                 A taldea: 2016ko urriaren 7tik (ostirala) abenduaren 16ra (ostirala).
    ·                 B taldea: 2017ko urtarrilaren 13tik (ostirala) martxoaren 17ra (ostirala).
    •         C taldea: 2017ko martxoaren 24tik (ostirala) ekainaren 2ra (ostirala).
    •  
      Lantegia 2.10 ikasgelan egingo da, 17:30etik 18:30era.
               
      IZENA EMATEKO EPEA
      Irailaren 26tik 29ra bitarte, Eskolako bulegoan, 09:00etatik 14:00etara.
      Izena emateko inprimakia atezaintzan eskuratu daiteke.
       
      ONARTUTAKO IKASLEEN ZERRENDA
        
      Irailaren 30ean, ostiralarekin, argitaratuko da..
       
      LEKUEN ESLEIPENA
             
      Jarduera hau 13 eta 16 urte bitarteko ikasleendako eskainiko da (2000tik 2003ra bitarte jaio direnendako). Hala ere, 16 urtetik gorakoak ere onartu ahalko dira, baldin eta egokitze-ikastaroan matrikulatuta badaude.
       
      Eskainitako lekuak baino eskaera gehiago badaude, lehentasuna emanen zaie 2015-2016ko ikasturtean lantegia egin ez duten ikasleei. Bigarrenik, zozketa bat eginen da eskatzaileen artean, lekuak esleitzeko. B eta C taldeetan, lehentasuna dute egokitze-ikasturtean matrikulatutako ikasleek.
       
      ESKOLA HUTSEGITEAK
       
      Lantegian matrikulatutako ikasle batek bi aldiz huts egiten badu eskoletara eta ez badu justifikatzen, matrikula galduko du, eta itxarote-zerrendan dagoen ikasle bati deituko zaio.


















No hay comentarios:

Publicar un comentario