KONTZERTUAK ETA JARDUERAK: kontzertu didaktikoak eta gehiago

 

KONTZERTUAK ETA JARDUERAK
 
2021-2022ko IKASTURTEKO KONTZERTU DIDAKTIKOAK

 

KONTZERTUA	INTERPRETATZAILEAK	DATA	ORDUA
“Animalien inauteria”	Francesca Croccolino, pianoa Silvia Sucunza, pianoa Rut Munguira, sorkuntza bisuala	2022/03/11	17:30
“Septeto oso didaktikoa”	Enrico Ragazzo, biolina José Ramón Rodríguez, biola Carlos Frutuoso, biolontxeloa Raquel Miguelez, kontrabaxua Elisa López, klarinetea Aritz García, tronpa Ferran Tamarit, fagota	2022/03/29	19:30
“Soinudun ametsak”	Adela Martín, pianoa David Johnstone, biolontxeloa	2022/04/26	19:30

 

ANIMALIEN INAUTERIA

Ikuskizuna familiei zuzenduta dago, eta uztartzen ditu piano-bikote batek 4 eskutara jotako musika klasikoko zuzeneko kontzertu baten esperientzia eta aldi berean animazio-irudiak pantaila erraldoian proiektatzea.

“Animalien inauteria” izeneko obra musikalaren –Camille Saint-Saëns konpositore erromantiko frantziarrarena– ahalmen iradokitzailea hainbat teknikarekin egindako formatu txikiko bideoetan irudikatu da.

Agertokian, proiekzioaz gain, bi interpretatzaile daude piano beraren aurrean eserita, trait-d’union lanetan, irudiaren eta ikusleen artean.

Ikusleek ikusiko dute nola bihurtzen diren soinuak forma, eta formarekin batera beti datozela soinuak, ia magikoa den sinkronizazio perfektuko zuzeneko ariketa batean.

 

SEPTETO OSO DIDAKTIKOA

Zertan jarri behar dugu arreta kontzertu bat entzuten dugunean? Zer begiratu eta entzun soinudun mihise bat “behatzen” dugunean?

Modu atsegin eta dinamikoan, ikasleek erritmo- eta melodia-motiboak identifikatu beharko dituzte, instrumentu-familia ezberdinak... Interpretazioari dagokionez, hainbat artikulazio, dinamika, soinu-plano... “Septeto” hitzaren esanahia eta mugimendu bakoitza zein konpas-motatan idatzita dagoen jorratuko ditugu, baita obra konposatu zen garaiaren testuinguru soziokulturala ere.

 

 

SOINUDUN AMETSAK

 Begiak itxita amestea, pentsatu ezinik gelditzea, hitzik gabeko desioak irrikatuz. Biolontxeloaren edertasuna eta indarra erakusten duen programa, erromantizismotik gaur egunera arteko musikarekin. Obra originalak entzunen dira, baina baita biolontxelorako bertsio ezagunak ere. Duoetan, pianoan egindako testura interesgarriak egonen dira ikusgai, eite nabarmenarekin, inoiz ez laguntzaile huts gisa. Biolontxeloa, oro har, oso adierazkorra da, baina birtuosismo-uneak ere badaude.

 

BESTE KONTZERTU ETA JARDUERA BATZUK

	DATA	ORDUA
Eskolako hainbat espezialitateko ikasleen kontzertuak, Eskolako EKITALDI-ARETOAN	2022/02/23   2022/03/16	18:00 eta 18:45   18:00 eta 18:45
Eskolako ikasleen kontzertua PABLO SARASATE KONTSERBATORIO PROFESIONALEAN, zentroaren Ate Irekien Astearen barruan.	2022/03/24	18:30
HIRU ZULOKO TXIRULAREN ARRASTOA BILATZEN ITALIAN Gabriele Bultmannen[1] hitzaldia, zuzeneko musikaren adibideekin Eskolako EKITALDI-ARETOA	2022/03/25	19:30
Iruñeko Pablo Sarasate Kontserbatorio Profesionaleko klabezin-ikasgelako ikasleen kontzertua, Eskolaren EKITALDI-ARETOAN	2022/05/20	19:30

 

UDABERRIKO KONTZERTUAK -2022ko apirilaren 4tik 8ra

Behin udaberriko kontzertuen programazioa eginda, informazioa ikasle guztiei bidaliko zaie.

---

[1] http://www.gaby-bultmann.de/