Eskola, 948 merkatuaren agertoki

 

2017ko azaroaren 15ean eta 16an oso azoka berezia estreinatuko da Nafarroako hiriburuan: 948 merkatua, Nafarroako arteen merkatua.

Azokaren

webgunean  azaltzen denarekin bat, 2017ko lehenengo edizio honetan (0 edizioan), 948 merkatua izeneko Nafarroako arteen merkatuaren helburua da Nafarroako kultur profesionalen eremuetako produktuak erakustea Foru Komunitatearen mugakide diren komunitate eta probintzietako –Aragoi, EAE, Errioxa eta Akitania– banatzaileei zein beste era batzuetako agenteei, bai eta beste lurralde eta esparruetako agente espezializatuei ere (jaialdiak, zentroak, entitate artistikoak eta sormenekoak...)

Joaquín Maya Musika Eskola Bereziko

 hezkuntza-komunitateak atsegin handiz hartzen du parte 948 merkatuan eta hartara, eskolako agertokia eskainiko du bertan egiteko zenbait kontzertu, zeinak, gure ustez, interes handikoak izango baitira hala zuzeneko hartzaileendako (banatzaile eta agenteak) nola gure ikasleendako zein publikoarendako, oro har. Gaurko sarrera honetan argitaratu dugu 948 merkatuak musikari eskainitako programa osoa.

Antolatzaileek eserleku kopuru mugatua utzi digute Eskolako ikasleak kontzertuetara joan daitezen. Gure agertokian programatutako kontzerturen batera joan nahi baduzue, Eskolako bulegoan har dezakezue gonbidapena, 09:00etatik 14:00etara, astelehenetik ostiralera, eta astelehen eta asteazkenetan, baita ere, 16:00etatik 18:00etara.