HAMABOSTALDI SOLIDARIOA “VURA MUSIC PROJECT”-EKIN

 

HAMABOSTALDI SOLIDARIOA “VURA MUSIC PROJECT”-EKIN

 

2019ko apirilaren 29tik maiatzaren 10era

 

Joaquín Maya Musika Eskolak elkartasun ekimeneko programa abiatu zuen 2014-2015eko ikasturtean helburu nagusi batekin: gure ikasleak sentsibilizatzea, musikaren bidez gauzatutako kooperazio-proiektuak ezagutzera emanda. Horren bidez bilatzen da beste ikasle batzuen eguneroko bizitzara hurbiltzea; gure eskolako ikasleak bezala haiek ere musika-prestakuntza jaso nahi dute, baina ikasketak jasotzeko inguruabarrak hemengoez oso bestelakoak dira.

 

Aurten “Eskola solidarioa” programari helduko diogu berriz, eta horren baitan Hamabostaldi Solidario bat eginen dugu, zeinean hurbilagotik ezagutuko baititugu Ugandan “Vura Music” proiektuaren bidez musika-prestakuntza jasotzen duten ikasleak.

Vura Music[1] Musika-hezkuntzaren bidez gizarte eraldaketarako proiektu bat da, Ugandan gauzatua. 2014. urtetik aurrera lanean ari dira musika-eskolen sare bat sortzeko, “etnia, herrialde eta erlijio ezberdinetako parte-hartzaileen arteko lankidetza, partaidetza eta integraziorako espazio bat da, egokia, berariazko hezkuntza-helburu guztiak garatzeko”.

Hamabostaldi solidarioan “Vura Music” proiektua ezagutzera emanen duen argazki-erakusketa egonen da ikusgai Eskolan, eta instrumentuak zein materialak jasoko ditugu (kanaberak, ahokoak, konpentsagailuak, zapatilak eta itsasgarriak, olioak, koipeak etab.).

Joaquin Maya Musika Eskola Berezitik herritar guztiak animatzen ditugu Hamabostaldi honetan parte hartzera, gure sare sozialen bidez proiektua ezagutuz, Eskolara etorrita erakusketa bisitatzera zein instrumentuak eta materiala ekarrita Ugandara bidaltzeko.

DATAK

-         Argazki erakusketa Eskolako itxarongelan, apirilaren 29tik maiatzaren 10era.

 

-         Instrumentuak jasotzea, 2019ko maiatzaren 24a bitarte.

 

INFO GEHIAGO

 

Vura Musik youtube-ren kanala (Klika egin hemen)

 

https://vuramusicproject.wordpress.com/

---

[1] Vura tribu baten izena da, eta, aldi berean, Ma’di eskualde bat ere, eta hor ari gara garatzen gure proiektua. Lan honen bidez, lagundu nahi dugu eskualdeak bere bizitza, bere lehengo freskotasuna eta harrotasuna berreskura ditzan, eta bultzada hori akuilagarri izan dakion ikasketekiko lehengo jarrerari berriz ere hel diezaioten, halako moduz non ikasketak garapenerako bidea izanen baitira.